सुदूरपश्चिममा फेल खायो प्रधानमन्त्री ओलीको ‘चाल’ , समर्थन फिर्ता नलिने एमाले संसदीय दलको निर्णय !

  • अर्थ सरोकार सुदूरपश्चिम ब्युरो
धनगढी । नेकपा (एमाले)को स्थायी कमिटी बैठकले सुदूरपश्चिम प्रदेश सरकारलाई दिएको समर्थन फिर्ता लिन गरेको निर्णय प्रदेश संसदीय दलको बैठकले कार्यान्वयन नगर्ने भएको छ ।
संसदीय दलका नेतासमेत रहेका आन्तरिक मामिला तथा कानूनमन्त्री प्रकाश शाहको अध्यक्षतामा आज बसेको बैठकले तत्काल सरकारको समर्थन फिर्ता नलिने निर्णय गरेको हो । अहिले तत्कालका लागि कोभिड लगायतको अवस्थालाई हेरेर तत्काल समर्थन फिर्ता नलिने र यसबारे सबै दलसँग छलफल गर्ने निर्णय गरिएको प्रदेशसभा सदस्य पूर्णा जोशीले जानकारी दिईन । उनले भनिन्, ‘वर्तमान अवस्थामा पार्टीको केन्द्रीय स्थायी कमिटीको निर्णय परिपक्व नभएको र हालसम्म आधिकारिक रूपमा आएको छैन ।’ त्यस्तै सांसद जोशीले हालसम्म प्रदेश सरकार विरुद्धको लडाइँमा रहेको र आउँदो आर्थिक वर्षको नीति तथा कार्यक्रम र बजेट तयारीमा रहेकाले सरकारबाट नबाहिरिने निर्णय गरिएको जोशीले बताईन् ।
यता आन्तरिक मामिला तथा कानुनमन्त्री प्रकाश शाहले समर्थन लिने वा नलिने विषयमा बैठकमा कुनैपनि छलफल नभएको बताएका छन् । अहिले माहामारीका बेला सरकार जनताको ज्यान जोगाउनमा केन्द्रित रहेको बताउँदै बुधवार बसेको संसदिय दलको बैठकमा केवल प्रदेश सरकारको प्रभावकारीता, समग्र कामको समिक्षा र प्रदेश सरकारले लिनुपर्ने साहसिक कदमका बारेमा प्रदेश सरकारलाई सुझाव दिने गरी छलफल सकिएको बताए । उनले भने, ‘स्थायी कमिटीको आधिकारीक निर्णय दलसम्म नपुगेकाले उक्त विषयमा टिकाटिप्पणी गर्न आवश्यक छैन ।’

प्रतिक्रिया दिनुहोस्

मिसन सुदूरपश्चिम

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले सुदूरपश्चिम प्रदेशमा हाम्रो ब्युरो सञ्चालनमा छ । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ (काठमाडौँ) वा ९८५८४७८३३३ (सुदूरपश्चिम प्रदेश) मा सम्पर्क गर्न सक्नुहुनेछ । वा [email protected] मा ई-मेल गर्न सक्नुहुनेछ । तपाईंको परिचय गोप्य राखिनेछ ।

© Shubham Media Pvt. Ltd. All Rights Reserved 2024.

Artha Sarokar® Trademark Registered. Regd. No. : 047796

Maintained By : Eservices Nepal