- अर्थ सरोकार सुदुरपश्चिम ब्युरो
धनगढी । धनगढीमा बैंकर्स क्लवद्वारा सामाजिक सुरक्षा योजनाका विरुद्द धनगढीमा साढे ४ मिनेट विरोध गरिएको छ। बुधबार बैंकर्स क्लव धनगढीका अध्यक्ष धर्मकुमार बिष्टको नेतृत्वमा आन्दोलन गरिएको हो ।
क्लबका सदस्य र केही बैंकका कर्मचारीको न्युन उपस्थितिमा आन्दोलन सम्पन्न गरिएको र कर्मचारी सबै उपस्थित हुन नपाउँदै विरोध समापन गरिएको स्रोतले बताएको छ । नागरिकको मौलिक हक, श्रम ऐनको मर्म विपरित बैंक, बीमा तथा वित्तिय संस्थाका कर्मचारीहरुको गर्न पाउने हक कुण्ठित हुनेगरी योगदानमा आधारीत सामाजिक सुरक्षा योजना ल्याएको भन्दै विरोध गरिएको हो । विरोधमा ‘सामाजिक सुरक्षा योजना फिर्ता ले’, ‘बैंकर्स क्लब जिन्दावाद’ जस्ता नारा लगाइएका थिए ।
कर्मचारीले खाइपाइ आएको सेवा सुविधासमेत घट्ने गरी ल्याइएको सामाजिक सुरक्षा कोषमा जबर्जस्ती लैजान खोजेको भन्दै गत आइतबार सर्वोच्चमा मुद्दा दायर समेत गरिएको थियो । जुन रिटमा सर्वोच्च अदालतले दुबै पक्षको कुरा सुनेर मात्र अन्तरिम आदेश दिने निर्णय गरेको छ।
