सत्ताधारी दललाई पुर्वमन्त्री रानाको प्रश्न-‘एमसिसीमा हस्ताक्षर गर्दा गाँजा खाएका थियौ ?’

  • अर्थ सरोकार सुदूरपश्चिम ब्युरो

धनगढी । पूर्व बन तथा बाताबरण मन्त्री एवम् प्रतिनिधिसभा सदस्य नारदमुनि रानाले पत्निलाई चुनाबमा हराएको रिसले प्रधानमन्त्री शेर बहादुर देउबाले राना थारु समुदायलाई अपहेलित गरेको आरोप लगाएका छन् । अर्थ सरोकारको कुराः खस्रा मिठा कार्यक्रममा बोल्दै रानाले तत्कालीन अवस्थामा आएर अपहेलित गरेको आरोप लगाएका हुन् ।

उनले एमसीसी परियोजना हस्ताक्षर गर्दा अध्ययन नगरि गाजा, भाङ खाएको समेत आरोप लगाए । ‘एमसीसी साइन गर्दा गाँजा भाङ खाएर गरेका हुन् र ? त्यो बेला पढ्न सकिँदैन ?’ उनले भने ‘त्यो पास हुन दिँदैनौँ ।’ एमसीसी मुलुकको हितमा नरहेको भन्दै मार्सल लगाएर जथाभाबी पास गर्न खोजे सशक्त आन्दोलन चलाउने रानाले चेतावनी दिएका छन् ।

एमालेका केन्द्रीय सदस्य तथा कैलाली इन्चार्ज समेत रहेका रानाले सभामुख अग्नि सापकोटाबाट माओवादी कार्यकर्ता जस्तो व्यवहार भएको बताए । उनले एमालेले कारबाही गरेका १४ जना सांसद संसदमा रहेसम्म संसद चल्न नदिने चेतावनी समेत दिएका थिए । ‘माओवादी र प्रचण्डको कार्यकर्ताको रुपमा सभामुख देखिए’ उनले भने, ‘जब सम्म गैरसांसदहरु सांसदमा उपस्थित हुन्छन् हामी सदन चल्न दिँदैनौँ ।’

सभामुखबाटै असंवैधानिक काम भएको भन्दै सभामुखले जथाभाबी गर्दा प्रतिपक्षले टुलुटुलु हेरेर बस्न नसक्ने रानाले बताए । ‘केपी सरकारले ल्याएको बजेट प्रतिस्थापन गर्ने अधिकार परमादेश सरकारलाई छैन । जेठ १५ गते संविधान स्वरूप ल्याइएको बजेट प्रतिस्थापन गर्ने अधिकार छैन’ उनले भने, ‘संविधानको रक्षाको लागि हामीले विरोध गरेका हौँ ।’

प्रतिक्रिया दिनुहोस्

मिसन सुदूरपश्चिम

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले सुदूरपश्चिम प्रदेशमा हाम्रो ब्युरो सञ्चालनमा छ । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ (काठमाडौँ) वा ९८५८४७८३३३ (सुदूरपश्चिम प्रदेश) मा सम्पर्क गर्न सक्नुहुनेछ । वा sudur.arthasarokar@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal