- अर्थ सरोकार सुदूरपश्चिम ब्युरो
धनगढी । सशस्त्र प्रहरी बल नेपालले धनगढी उपमहानगरपालिका वडा नम्बर १९ का अध्यक्ष तिलुराम चौधरी सम्मानित भएका छन् । २१ औँ स्थापना दिवसका अवसरमा सशस्त्र प्रहरी बल नेपाल नं. ७ बैद्यनाथ बाहिनी मुख्यालय अत्तरिया कैलालीले चौधरीलाई सम्मान गरेको हो ।
मुख्यालयका प्रमुख सशस्त्र प्रहरी नायव महानिरीक्षक दुर्गाप्रसाद भट्टराईले उनलाई दोसल्ला र प्रमाण पत्रसहित सम्मान गरेका थिए । अध्यक्ष चौधरीले जिल्लाको शान्ति सुरक्षा कायम गर्नुका साथै सशस्त्र प्रहरी र नागरिकबीच सुमधुर सम्बन्ध स्थापित गर्न महत्वपुर्ण भुमिका निर्वाह गरेको भन्दै सम्मान गरिएको हो । चौधरीले छिमेकी मुलुक भारतसँग खुल्ला सिमाना जोडिएको फुलवारी क्षेत्रमा सशस्त्र प्रहरी बलको बि.ओ.पि लल्लिपुरको स्थापनाका लागि जग्गा उपलब्ध गराएका थिए । त्यस्तै उनले फुलवारीमा हुने अवैध सामान ओसारपोसार नियन्त्रणमा महत्वपुर्ण भुमिका निर्वाह गर्दै आएका छन् ।
