भवन निर्माणमा त्रिपक्षिय सम्झौताः ३० लाखको लगानीमा बन्ने भयो कराँते प्रशिक्षण हल

  • अर्थ सरोकार सुदूरपश्चिम ब्युरो

कैलाली । धनगढी रंगशाला (कवर्ड हल) मा निर्माण हुने भनिएको सितोरियो कराँते प्रशिक्षण हलको विवाद टुंगिएको छ । शुक्रबार क्रिकेट संघ, ह्याण्डबल र जिल्ला खेलकुद विकास समिति कैलालीबीच सहमति भएसँगै विवाद टुंगिएको हो ।

आखिर के थियो विवाद ?
जेठ ३१ गते धनगढी रंगशाला (कवर्ड हल)को गुरु योजनामा प्रभाव नपर्ने गरी राष्ट्रिय खेलकुद परिषद्ले सितोरियो करांते प्रशिक्षण हल निर्माणका लागि स्विकृति दियो । मास्टरप्लान नबिग्रिने गरि खानेपानी ट्याकीं निर्माण हुने स्थानबाट उत्तर, ह्याण्डबल कोर्ट देखी पश्चिम र सडकदेखी ३ मिटरको क्षेत्रभित्र हल निर्माणका लागि स्विकृति पाएसँगै सो अनुसार जिल्ला खेलकुद विकास समितिले भवन निर्माणका लागि पहल गर्यो । तर उक्त क्षेत्रमा तत्काल क्रिकेट प्रशिक्षण भईरहेको भन्दै क्रिकेट संघले भवन निर्माणमा विरोध जनाएको थियो । ह्याण्डबलको कोर्ट प्रयोग गर्दै आएको क्रिकेट संघले भवन निर्माणमा अवरोध जनाएपछि विवाद चर्किएको थियो ।

हल निर्माणका लागि त्रिपक्षिय सम्झौताः
३० लाखको बजेटमा निर्माण हुने सितोरियो करांते प्रशिक्षण हलको विवाद समाधानका लागि त्रिपक्षिय सम्झौता भएको छ । शुक्रबार एक निर्णय गर्दै जिल्ला खेलकुद विकास समिति, क्रिकेट संघ र ह्याण्डबल संघबीच सहमति भएको हो । राखेपको स्किृति अनुसार करांते प्रशिक्षण हल निर्माणमा क्रिकेटकका ७७ जना खेलाडीको अवरोधलाई समाधान गर्दै हल निर्माण गर्ने र हाल क्रिकेट प्रशिक्षण भईरहेको पुरानो पिचलाई अन्यत्रै व्यवस्थापन गर्नेभनि तीनै पक्षबीच सहमति भएको हो । सहमतिमा जिल्ला खेलकुद विकास समितिका अध्यक्ष ललित खत्री, ह्याण्डबल संघ कैलालीका अध्यक्ष कुवेरजित साउँद, क्रिकेट संघ सुदूरपश्चिम प्रदेश समिति अध्यक्ष हरि रेग्मी र कैलालीका अध्यक्ष बिक्रम विष्ट लगाएतले हस्ताक्षर गरेका छन् ।

योसँगै भवन निर्माणका लागि जिल्ला खेलकुद विकास समिती कैलाली र सामाजिक विकास कार्यालय कैलालीबिच सम्झौता भईसकेको छ । ३० लाखमा निर्माण हुने उक्त संरचनामा करांतेका पुर्व कोच तथा विभिन्न निकायबाट सहयोग प्राप्त गरि अनुमानित ४० लाखको लागत रहने जिल्ला खेलकुद विकास समितिका अध्यक्ष ललित खत्रिले बताएका छन् । करांते प्रशिक्षण हल निर्माण भएसँगै खेलाडीका लागि ठूलो राहत हुने खत्रीको भनाई रहेको छ ।

प्रतिक्रिया दिनुहोस्

मिसन सुदूरपश्चिम

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले सुदूरपश्चिम प्रदेशमा हाम्रो ब्युरो सञ्चालनमा छ । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ (काठमाडौँ) वा ९८५८४७८३३३ (सुदूरपश्चिम प्रदेश) मा सम्पर्क गर्न सक्नुहुनेछ । वा [email protected] मा ई-मेल गर्न सक्नुहुनेछ । तपाईंको परिचय गोप्य राखिनेछ ।

© Shubham Media Pvt. Ltd. All Rights Reserved 2024.

Artha Sarokar® Trademark Registered. Regd. No. : 047796

Maintained By : Eservices Nepal