‘राष्ट्रघाती’ निर्णय फिर्ताको माग गर्दै ६ दलको प्रदर्शन, सरकार सचेत नभए आन्दोलनको स्वरुप परिवर्तन गर्ने चेतावनी

• अर्थ सरोकार सुदूरपश्चिम ब्युरो

धनगढी । नागरिकता विधेयकको विरोध गर्दै धनगढीमा प्रदर्शन गरिएको छ । बिहिबार धनगढीमा राष्ट्रघाती नागरिकता विधेयक तथा एमसीसी र एसपीपी खारेजीको माग गर्दै नेकपा बहुमत सहितका ६ दलले प्रदर्शन गरेका हुन् ।

प्रदर्शनकारीहरुले ‘राष्ट्रघाती नागरिकता विधेयक खारेज गर, एमसीसी–एसपीपी खारेज गर, भ्रष्टाचारीलाई कारबाही गर लगायतका नारा लगाएका थिए । धनगढीको चौराहबाट सुरु भएको विरोध र्याली पार्क मोडमा पुगेर कोण सभामा परिणत भएको थियो । ‘सरकारको राष्ट्रघाती निर्णको विरोधस्वपको यो पहिलो चरण हो । राष्ट्रको हित विपरित गरिएका सबै निर्णय सरकारले खारेज गर्नुपर्छ ।’ नेकपा बहुमत कैलालीका जिल्ला संयोजक प्रकाश रावल (अनमोल)ले भने –‘सरकाले राष्ट्र र राष्ट्रियता विरुद्धमा गर्ने कुनैपनि निर्णय स्विकार हुनेछैन । तत्कालि यी निर्णय फिर्ता नलिए समान्य आन्दोलनले जटिल रुप लिन सक्छ ।’