कैलालीमा तस्करीका ३ क्विन्टल बढी कुखुरा नष्ट गरियो, अवैध कुखुरा आयात गरे कार्वाही गर्ने चेतावनी

  • कुलराज चौधरी

कैलाली । कैलालीमा अवैध रुपमा भित्र्याइएका ३ क्विन्टल बढी कुखुरा नष्ट गरिएको छ । जिल्लाको कैलारी गाउँपालिकाबाट बिहीबार सशस्त्र प्रहरी बेस क्याम्प खोनपुरको टोलीले अवैध रुपमा आयात गरिएका ३ क्विन्टल बढी बोइलर कुखुरा बरामद गरी नष्ट गरेको हो ।

अवैध रुपमा कुखुरा आयात गरेको भन्ने सूचनाको आधारमा छापा मार्दा कैलारी गाउँपालिका ४ स्थित यम बहादुर सुनारको खोरबाट १ सय ४४ वटा कुखुरा बरामद गरेको सशस्त्र प्रहरी बेश क्याम्प खोनपुरका सशस्त्र प्रहरी निरिक्षक सुवाश खत्रीले जानकारी दिए । ‘हामीलाई कुखुरा तथा माछा पालन व्यवसाय संघका पदाधिकारीबाट अवैध कुखुरा आयातको बारेमा विशेष सूचना आएको हो । सोही अनुसार छापा मार्दा ३ क्विन्टल बढी बोइलर कुखुरा बरामद गरी नष्ट गरेका हौँ ।’ सशस्त्र प्रहरी निरिक्षक खत्रीले भने –‘अवैध चोरी–तस्करी नियन्त्रणमा हाम्रो निगरानी बढाएका छौँ ।’

यता कैलारी गाउँपालिका वडा नम्बर ४ का अध्यक्ष ठागुराम चौधरीले पनि अवैध तस्करीलाई निरुत्साहित गर्नुपर्ने बताएका छन् । ‘स्थानीय तहले खुल्ला सिमानाकाबाट हुने चोरी पैठारी नियन्त्रणका लागि स्थानीय प्रशासनसँग हातेमालो गरेको छ’ उनले भने, ‘स्थानीय उत्पादनलाई प्रोत्साहन गर्नुपर्छ । त्यसैले कुनैपनि वस्तुको अवैध आयात नगर्न सबैमा आग्रह समेत गर्दछु ।’

बरामद गरिएको अवैध कुखुरा स्थानीय तहका जनप्रतिनिधि, सशस्त्र प्रहरी, कैलारी कुखुरा तथा माछा पालन व्यवसाय संघका अध्यक्ष किरण चौधरी र अन्य स्थानीयको रहोबरमा नष्ट गरिएको छ ।

प्रतिक्रिया दिनुहोस्

मिसन सुदूरपश्चिम

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले सुदूरपश्चिम प्रदेशमा हाम्रो ब्युरो सञ्चालनमा छ । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ (काठमाडौँ) वा ९८५८४७८३३३ (सुदूरपश्चिम प्रदेश) मा सम्पर्क गर्न सक्नुहुनेछ । वा [email protected] मा ई-मेल गर्न सक्नुहुनेछ । तपाईंको परिचय गोप्य राखिनेछ ।

© Shubham Media Pvt. Ltd. All Rights Reserved 2024.

Artha Sarokar® Trademark Registered. Regd. No. : 047796

Maintained By : Eservices Nepal